Sangharsh-E-Zindagi

By Nasheed Asad

Chupke chupke ye geet gaata hoon main,

Apne maa baap ka hausla hoon, ye jaanta hoon main.

Kuch nahi kiya ab tak zindagi me maine,

Sab ki zillat chup chaap sehta hoon main.

Bachpan me sab fakr karte the,

Jawani hote hi fikr karne lage.

Kabhi pyaar se bulane wale hi aaj taane kasne lage,

Maa kehti nahi par jaanta hoon wo bhi dukhi hai,

Baap dikhata nahi par jaante huye bhi kuch keh paata nahi,

Mere gunaho ki saza unpe kyun bita raha tu aye khuda?

Abhi mera waqt bhi zinda hai.

Jeene ko jee nahi chahta, maut gawara nahi,

Par abhi to kuch farz nibhana baaki hai khudse,

Kuch karz chukana abhi baaki hai khudse.

Chupke chupke ye geet gaata hoon main,

Apni behno ka superhero hoon, ye jaanta hoon main.

Ghadi ki sui jaisi hai ye kahani meri,

Tik tik kar ke beet rahi ye zindagi meri,

Lekin,

Ek aag hai seene me jalegi bhi kabhi kya pata,

Ek shola hai jo bhadkegi bhi kabhi kya pata,

Haan dekha hai aise bhi, khud ko maine girte bhi,

Par na haara hoon kabhi, na haarunga kabhi.

Chupke chupke ye geet gaata hoon main,

Apne maa baap ka hausla hoon, ye jaanta hoon main.

By Nasheed Asad