Salaam

By Samarth Anand

Kaun hai yahaan jo paapi nahin

Kaun hai yahaan jo dukhi nahin

Ye is jeevan ka dastur hai

Ki koi kisi se khush nahin

Har pal khudko saabit karna padta hai

Ye jeevan hai koi khel nahin

Chadhte suraj ko yahan salaam hai

Baaki sab baate to aam hain

Apne gum ko chupaana 

Hi yahaan sabka kaam hai

Chehre pe muskuraahat 

Hi hamari pehchaan hai

Rona bhi yahan badnaam hai

Kitne logon ne yahan

Paap ko jhela hai

Fir bhi jeete rehna

Ye sabka kaam hai

Koi saath na de fir bhi

Aage badhte rehna

Yahi is zindagi ka sabko pehgaam hai

Logon ke saath rehkar bhi akele mahsoos karna

Ye bhi ek anjaam hai

Koi mujhe bhi gale lagale

Yahi jaadu ki jhappi ko salaam hai.

By Samarth Anand