Saaye Mohobbat ke

By Himanshu joshi

Saaye mohobbat ke bade yaad aate hai,

najaane kahin kisi deewar ke peeche se,

Apna masoom sa chehera dikhate hai;

Phir chupke se mere bistar pe aake,

mere khwabo me bas jaate hai.

Khud khel lete hai saari raat,

aur mujhe din bhar jaaate hai;

saaye mohobaat keke bade yaad aate hai.

Tanha baraamdo me jab,

main sitaro ko dekhta hu;

Koi chupke se kandha chu jataa hai,

Meri chai ki pyaali se do ghoot pe jata hai;

Main dhoondta reh jata hu,

aur woh thoda pyaar jataake

gum ho jaate hai;

saaye mohobaat ke bade yaad aate hai.

Dehleez pe doston ke ladne ki aawaaze aati hai,

jhaak ke dekhne par koi nazar nahi aata,

Paani ki bootal maze par reh jaati hai,

Aur rasoi se khana gayab ho jata hai,

hosh nahi rehta ki yeh khumaari hai

ya koi sach me aaya tha,

Yaad nahi kab mera naam kisine ne zor se bulaya tha,

Kahin door basey hai yaar mere,

par roz mere liye, khushiyon ki saugaat laate hai

saaye mohobbat ke bade yaad aate hai.

By Himanshu joshi