"Rumi’-Nation ('Tassawar')..."

By Abhishek Tripathi

Sab thik hai na…?? Khud kai baar pooch leta hun khud se...

Ek ajeeb si khamoshi ghar kar jaati hai, is sawal ke jawaab ko dhoondte...

Haan par auron ke poochne pe, ismein jara si bhi deri nai hoti...

Kuch thik na hote hue bhi sab kuch kitnaa thik hai, ye bataane mein jubaan bilkul nai jijhakti...

Juban ne bhi dilo dimaag se accha taal-mel baitha lia hai,

Andar se sunne aur kehne ke beech mein, ek nakli sa chehra apna lia hai...

In sab ke beech wo ghar ki hui khaamoshi jaari rehti hai...

Haan sab thik hai, haan, sab thik hai, bas yahi talaashti rehti hai…!

By Abhishek Tripathi