Rang Aur Dhabbe

By Kunal Sood

Bante bante ik tasveer agar bigadne lagge kuch dhabbo se..

Fir kalakaar bhala kya karre

Ponche(wipe) bina lagge faasid(kharab)

Aur jitna ponche utna bigde

Yeh tasveer parchaayi hai zindagi ki

Yeh tasveer kasauti par khade

Kuch rang aur kuch dhabbe ispar

Jagah khaali mein ab kya bharre

Par..puchta hu sawaal tumhi se

Ki ye brush hai kiske haath mein?

Dhabbe hath ki laparvahi

Aur kala bhi issi hath mein..

Hogi jab har cheez sateek

Kuch naya na khoj paoge

Samaaj parivartan chaahe par

Har tasveer ik jaisi bnaoge

Hath ho bhagwaan ka 

Ya ho khudka…baat samaan hai

Dhabbo ke sath jab kala ralle(mix)

Tabhi tasveer bhagwaan hai

By Kunal Sood