Pinjre Ka Panchi Kahe Aurat Ki kahani

By Rishika Agrawal

Sooraj ki kirano ke saath janma

Bankar ek panchi main

Bade se pedh ki choti se daali

ke ek ghosle mein

parr phelane ki taakat thi nahi

maa ke saaye mein zindagi khili

uski chonch se meri chonch tak

bas yahi thi meri duniya tab tak

roz neele gagan ko niharta main

apne parr phadphadata main

ek din udhna seekh liya

ambar se dharti ko nihaar liya

achanak kahin se aaya jaal

pakad liya mujhe diya pinjre mein daal

logon ke liye numaaish

ban gaya ek pal mein

parr kaat liye gaye pal bhar mein

aaj aasman ko dekhkar mann chalta hai

bhala kya panchi bina udhe reh sakta hai??

Ruh meri roti hai sisak kar

Ankhon mein aansun bharkar

Koshishe kar ke thak jata hun

Par pinjra tod ke udd nahi pata hun

Yahi kahani uss aurat ki hai

Use nahi samajhne wale logon ki hai

Beti bankar jo udhna seekh jati

Bahu bankar sirf rasoi sambhal pati

Parr kate panchi ki tarah reh jati

Apne hunar ko aasmanon mein nahi pahuncha pati…………..

Kyun hamare parr kaat liye jate

Kyun jeevan ko humse cheen le jate

Eeshwar ne jab vardaan diya

Toh kyun nahi parr kaatne walon se sawaal kiya?????

By Rishika Agrawal