Pehla Ishq

By Muzammil Bari

Wo jis ne mera sukoon chhina

Wo shoq chanchal hai ek hasina

Usi ka qissa suna raha hoon

Main raaz dil ka bata raha hoon

Wo jis ne needein bhi meri looti

Usi pe sub kuch luta raha hoon

Wo meri chahat se bekhabar hai

Wo meri haalat se be-asar hai

Usi se kyon dil laga raha hoon

Usi ka qissa suna raha hoon

Use main kuch bhi na keh sakunga

Magar main chup bhi na reh sakunga

Yaqeen dil ko dila raha hoon

Usi ka qissa suna raha hoon

Main uska daman khushi se bhar du

Main jaa meri uske naam kar du

Main khwab aise saja raha hoon

Usi ka qissa suna raha hoon

Wo jaan hai meri ye wo na jaane

Wo bus mujhe apna dost maane

Main nam jiska chupa raha hoon

Usi ka qissa suna raha hoon

By Muzammil Bari

☺