Paheli

By Advicaa Verma

yeh kya dhage tune mere dil se bandhe

jo tere jane ke baad bhi nahi tute

yeh kis naam ka pyaar diya tune

jisse ham dono abhi bhi ulge hue  

yeh kaisa khel hai?

jana chahti hu par ja nahi pati

tu bhulna chahta par bhul nahi pata

ekh dusre ko chahke bhi ham chodh nahi pate

kitne bhi logo ko dekh lu

raat ko toh tere hi soch mein doobti hu

kyunki jab kisi aur ke bare mein sochti hu

toh lagta hai tujko dhoka de rahi hu

yeh kaise dilo ka khel hai

jisme dono har rahe hai

tu khud se door ja raha hai

aur mein apne aap se

kehte hai dhaga agar tuth jaye

Toh usme gath lag jati hai

hamari toh tuthne se pehle hi 

khud mein ulajh gai

galti teri nahi hai

nahi meri

bache hai yaar

zindagi mein kho sakte hai

par yaar yeh kis baat ka dard hai

pyaar alag tarike se kiya hoga

par pyaar toh tune bhi kiya tha na?

fir ye kis baat ki bechani hai

bhag bhag kar thak gayi hu

vapas lotke yahi aati hu

tune teh karliya hai

fir kyu abhi bhi rota hai?

zindagi ki paheliya 

tu meri sabsi badi paheli

kyunki abhi takh yeh teh nahi kar pai

ki tujhse pyaar karu ki nafrat?

kyunki tujhse pyaar karna

mera dil janta hai

aur tujhse nafrat karna 

mera dimag kehta hai

par us insaan se kaise nafrat karu

jiski aadate rat rat ke 

meine apne dimag mein dali thi

us insaan se kaise nafrat karu

jo meri ekh khwahish thi

tu pyaar nahi

meri adat tha

lakh koshishe ke baad bhi

mein tujhe bhul nahi paa rahi

tu meri kahani ka ekh aisa panna hai

jisko meine jala diya tha

par use panne ke rakh ko 

abhi bhi sambhal ke rakha hai

By Advicaa Verma