Pagli Ladki

By Deepanshu Sharma

Woh pagli ladki thi

Jo mujhse pyaar jataati thi

Aankhon hi aankhon mein woh

Na Jaane mujhse kya-kya keh jaati thi

Woh pagli ladki thi

Jo mujhse pyaar jataati thi

Woh bol na mujhse paati thi

Main kuch kehta toh sharmati thi

Mujhe dekhkar jab woh apni zulfon ko jhatkati thi

Na jaane aasman se kitni bijli mujh par girati thi

Woh pagli ladki thi

Jo mujhse pyaar jataati thi

Judaa hue humko beet gaye varshon

Lagta hai aise mile the hum kal-parson

Chalo ho gaya jo ho gaya

Ab apni wafa tumko dikhlaate hain

Kabr mein jaane se pehle

Ek-ek baat panne par likh jaate hain

Woh pagli ladki hai

Jo mujhse pyaar jataati hai

Aaj bhi meri kabr par woh phool daalkar jaati hai…

By Deepanshu Sharma