Neend.. Kya Hai Neend

By Pritha Singh

Sacchai se saamna na karne ka zariya hai Neend

Haqiqat ko khwaish me hi choddne ki vaidhta hai Neend

Sapno ka safar tay na ho paana hi toh hai Neend

Yun kahe toh,

Rahat se prem aur kartawya pe anishtha hi hai Neend

Kholo agar dusri nazar toh,

Shayad sapne hote hi nahi,

Agar hoti nahi Neend,

Aur jo thode bhot tum shaant ho na,

Uss shaanti ka prashasst hai tumhari Neend

Iss bhaagad si duniya me,

Chai me vo adrak ki sugandh jese Neend

Apni banaai choti si dunia ka,

Sajaa- Sawaara chaukhat jese Neend

Ise aaram ka naam na do,

Khud me jatil- janjaal hai ye Neend,

Jise aae vo nakhush 

Jise na aae vo bhi nakhush,

Kxh iss qadar manchala hai Neend.

By Pritha Singh