Naari

By Jahnvi Gulati

Naari, tu ashthbhuja shakti hai

Tujhse shuru yeh dharti hai hai

Tujhme hi dafan yeh saanse, 

Puri duniya tujhse darti hai

Kal, tu ghunghat mein chuppi thi

Aaj saksham hai, balhaari hai, 

Dekh duniya ki reet badli

Aaj tu beto se bhi pyaari hai

Har bandhan ko toda tune, 

Haalato ko jhinjhoda hai

Mushkile bhi tere aage, 

sar jhukaati saari hai,

Aakash teri seema hai,

tu aisi prabal naari hai.

Ghar, samaj aur desh,

In sabko bhi bataya tune

Jis jisne bhi roka tujhe unn sabko sabak sikhaya tune.

Kamzor bebas badhya nai tu

Rani laxmibai ki avtaari hai

Aise hi nai kehte log

Ki ek naari sab par bhari hai

Na jaane kitne roop hai tere

Na jaane kitni nyaari hai

Kabhi beti ban kr laad dulaari

Kabhi maa ki mamta ki baari hai

Bhai ke upar jaan nyochaavar

Tu kaise itni gudkaari hai?

Na jaane samaj ki soch ke piche

Tune kaise aadhi zindagi guzaari hai

Maana, komal hai tu naazuk hai

Par kisne kaha tu bechaari hai?

Shastra uthana jung me jaana

Kabiliyat tujhme saari hai

Sabko maar girane wali

Maut bhi jisse haari hai

Maa kaali ki beti tu

Aisi prachand naari hai.

By Jahnvi Gulati