Mizaaj kuch yu hai

By Himanshu Bairwa

Ajeeb aur asehniye

Haal hai ab

Khudke baare sochna pasand nahi

Kisike ke baare sochne ka mann nahi

Yuhi kabhi khayaal aata hai

Kyu hu aisa ye sawaal kr jaata hai

Jawaab janna nahi chahta

Bas gaayab hona chahta hu

Kisi ko na yaad rahu

Kisi ko na yaad karu

Khudko bhi bhul jaana chahu

Sunn ho jaye ye dil-o-dimaag

Thanda pad jaaye shareer itna

Mehsoos na ho kisi ki nafrat ya pyaar

Mizaaj kuch yu hai aaj kal

Bhatakana bebas bana raha hai

Shaant ho jau kisi bhi pal yahi dhaura raha hai

Ungliyan na chale na chahu likhna

Likhna fir bhi band na kar pau

Mrityu ke baare sochke khush hota hu

Simat jau usme bas itna hi chahu

Sard se dil ko agni ki apeksha nahi

Paanv zameen se uthe aur antriksh mein chala jau

Zameeni haqeeqat se waakif hu

Is zameen mein hi dhhas jau

Dakshin ki aur koi kheeche

Mein uttar ki aur bhaaga jau

Sawaal abhi bhi yahi hai

Uttar koi mila nahi

Kya antariksh se prem hai mujhe ya dharti mein hi sama jau

Mizaaj kuch yu hai aaj kal

By Himanshu Bairwa