Kya Hai Mera

By Shreya Kumari

Mera"

Kya hai ye "mera"?

Kya ye bas ek shabd hai, ya barbadi ka hai ghera?

Kisi ne kaha — ye ghar mera hai,

Kisi ne kaha — ye sharir ye sundarta mera hai,

Kisi ne kaha — ye beta ye parivaar mera hai,

Toh Kisi ne kaha — ye zameen ye dhan mera hai.

Apne haath kuch na aayega phir bhi ye mann kahe — ye sab mera hai,

Jo pal me sab kuch raakh kar de, wo ehsaas — "mera" hai.

Jo aankhon ke samne sab mita de, wo sach — "mera" hai.

Har insaan ke ghamand ko taar-taar kar de,

"mera" kehne wale ko sharmasaar kar de,

Wo shabd "mera" hai.

Log kehte hain — mera, mera!

Par sach pucho, toh kya hai tera?

Ishwar ko hi hai dena, usi ko hai lena,

Hamara toh yaha kuch nahi, ye jeevan bhi kiraye ka hai basera.

Kaise kahu mai ki — hai ye mera?

Do akshar ka ye shabd, bas logo ke ahankaar ka ek bhayankara hai chehra.

Jisne kaha — mera, jisne kaha — maine kiya,

Uske toh,

Na haath kuch aaya, na saath kuch gaya.

Ishwar ka hi hai sab, yahi sach ka dera hai,

Isliye kyu kahu — ye mera hai?

Jis tan ko bhi yahi chhod hai jana,

Ussi mann ne jeena aur marna hai sikhana.

Ye mann, jo sach samjhata hai,

"mera-tera" se upar uthna sikhata hai.

Aur vastavikta dekhi jaaye toh,

Yaha kuch bhi

Na "mera" hai, na "tera" hai,

Bas ek bhram hai, jo har mann me phaila hai.

Aag se bhi zyada lahar hai iski,

Jisne jaane-anjaane me sabko apne chhepate me ghera hai.

Yaha kuch nahi mera aur kuch na tera hai,

Ishwar ka hi hai sab, yaha sirf usi ka basera hai.

Kuch nahi mera aur kuch na tera hai.

By Shreya Kumari