Kya Ab Bhi Yaad Meri Aati Hai

By Disha Kedia Gupta

Usne poocha humse..

Kya ab bhi yaad meri aati h?

Kya kehte unse..

Kaise kehte unse

Ki hum unhe bhooley he kaha

Jo yaad kar paate..

Yaad h humme aaj b

Wo saari mulaakaatein..

Ya bata dete unhe..

Ki Harr saans, Harr dhadkan

Unka ehsaas le k aati h..

Usne poocha humse..

Kya ab bhi yaad meri aati h?

Kya kehte unse..

Kaise kehte unse..

Ki Harr pal unki

Yaad k sahaare guzarta h

Mera Harr din

Unke khayalo ki baaho mein simat ta h

Kab raat se savera ho jata h unki yaad mein

Aur fir suraj ki pehli kiran bhi

Unka khayal le k aati h..

Usne poocha humse..

Kya ab bhi yaad meri aati h?

Kya kehte unse..

Kaise kehte unse..

Ki aaina dekhte h

Toh aks unka nazar aata h..

Unka naam sunn..

Waqt wahi teher jata h..

Unke itar ki khushbu

Aaj bhi mehekti hai inn saaanso mein..

Unke sirf ek zikar se he

Aankho mein nami aa jaati h..

Usne poocha humse..

Kya ab b yaad meri aati h?

Kya kehte unse

Kaise kehte unse

Tumhare sawaal ka jawaab nai

Meri zindagi ab koi khuli kitaab nai

Tum badh gaye chaar

Kadam aage humse

Mai tumhare intezaar mein

Wahi khadi rah gai..

Lafz nahi h paas mere

Par nazre sab bayaan kar jaati h

Usne poocha humse

Kya ab bhi yaad meri aati h?

Kya kehte unse

Kaise kehte unse

Chhodo b sahab

Iss baat ko ab jaane bhi do

Yaado ka kya h..

Waqt be-waqt unhe aane bhi do..

Kho diya Haq tumne

Ki kar sako sawaal koi..

Par meri Harr ek saans

Tumhe ab b paas bulaati h..

Usne poocha humse

Kya ab bhi yaad meri aati h?

Kya kehte unse

Kaise kehte unse

Kehna toh tha bahut kuch

Par kuch kah na sake

Hum jhoothi muskuraahat de

Chupchaap Aage badh diye..

Sunn sakte agar wo dhadkane humari

Toh zaroor jaan jaate

Zinda he h hum

Unki yaado k sahaare

Harr din Harr Pal Harr lamha

Unki yaad humme sataati h

Ab bhi, aaj bhi..

Unki yaad humme aati h..

Bahut yaad aati h..

By Disha Kedia Gupta