Krurta Se Insaaniyat Tak

By Parita Jain

Wakt ke harr pehlu mein, Ab wo aage badh rha hain, Insaan ke bhes mein, Wo haiwani ko anjaam de raha hain! Ahankaar ke chubhte ujaalo me wo andha ho raha hain, Apne aap me kuch iss tarah dub raha hain, Ki khud me hi khota jaa raha hain, Aur unn kali gehraiyo me behta ja raha hain! Tabahi se nata jod betha hain, Kisike dard me sukoon khoj raha hain, Apne iss pagalpan me kuch iss tarah khoya hain, Ki swarth ki uss dhundh me bas ab wo tanha ho gaya hain! Usse laga, berehmi hi wo tarika hain Jo uske sukoon ka zariya hain, Usse laga prabalta hi wo tarika hain Jo uski khushiyo ka zariya hain! Par, wo shayad yeh bhul gaya hain, Lalsa ki god me betha wo ant ke pralay ki aur badh raha hain, Insaniyat se wo dur ho raha hain, auro ke sath, wo khud bi raakh ho raha hain!

Ab charo aur kuch esa sannata hain, Ki khudki awaz sunne se bhi wo katra raha hain, Khudki srijit tabahi se hi wo ghira hain Dekho, wo ab bilkul akela hain, Dekho, wo is srishti par haavi ho gaya hain! Dekho, wo uss andhere me khoya hain, Dekho, wo insaniyat ki roshni se kitna dur ho gaya hain! Insaan iss duniya ka hissa hain, Par shayad wo duniya se aage khudko prabhav maan betha hain! Aham me duba wo krurta ko jo sathi bana betha hain, wo srishti ke sath khudko bi barbaad kar betha hain! Lekin, wo, wo ab bhi uss nash se bach sakta hain, Uss danavta ke saye se ladd sakta hain, Agar wo insaaniyat ka hath thaam le to, Khudki harr pidha ka ant kar sakta hain! Usne Kaanto ko khudka sahara banaya hain, Phir dard ko kese juda kar payega khudse? Ghaav ko lekin wo ab bhi bharne ka moka de sakta hain, Agar achai ko apna bana le wo dil se! Bas soch ki hi to baat hain, Insaan ka harr kann srishti se hi saakaar hain, Phir kyu wo tabahi ko chunna chahata hain? Jab yeh srishti hi uske jine ka aadhar hain? Aji ab thoda soch ko badalna hoga, Insaniyat ko phir astitva me lana hoga, Achai ke uss dariye me dubke hi, Prabhutva ke uss khoklepan ko mitana hoga!

By Parita Jain