Kisne Banai Hai Ye Ummedein.

By Rukayya Zirapur

Kisne banai hai ye ummedein, kisi ko mujhse lagai nahi jati

Ghar, dost, muhabbat, mujhse nibhai nahi jaati

Her dar pe girta, sambhalta, bhatakta napak hoon mein,

Kya karu kisi aur ki mehboob, ankhon se utri nahi jati

Kisne banai hai ye ummedein, kisi ko mujhse lagai nahi jati.

Kamina hu me sabki nazron mein,

Jo mujhse meri galtiya chhupai nahi jati

Awargi meri khule aam hai jo,

Kya karu inse inki lugaai sambhali nahi jati

Kisne banai hai ye ummedein, kisi ko mujhse lagai nahi jati.

Esa nahi hai ki mujhe muhabbat hui nahi

Hui thi magar, ab bhulai nahi jati

Aashiq hu me, dekhta hu use her kisi me

Isiliye toh raatein akele guzaari nahi jaati

Kisne banai hai ye ummedein, kisi ko mujhse lagai nahi jati!

By Rukayya Zirapur