Kho Gayi Beti Meri

By Khan Firdous

65 ki thi umar meri, jab khoyi thi maine beti meri

Takleef bhi thi aur uljhan si bhi

Rou mai khud ya dekhu aur rishton ko bhi.

Mayusi to thi aankhon mein sabki, sirf meri hi wo beti nahi

Manau mai gum ya sambhalu use wo jiski maa bhi thi

Khud aanchal se bandhi rehti thi mere, aur waise hi banaya apni beti ko bhi

Ya dekhu use jiski biwi bhi thi, ab duniya hi jiski adhuri hui

Na ladna jhagadna na shikayatein hongi, koi fikr karega na uski bhi

Us behn ke aansu bhi rukte nahi

Tha dulhan ke jode mein sajaya jisne aur pehnaya tha usne hi kafan ko bhi.

Aaj ek bhai ke aansu bhi kuch alag se hai

Warna roya wo tha uski bidaai par bhi

Us baap ki kya mai baat karu, tha chalna bachpan mein sikhaya jisne, use kandhe par le jayenge log abhi.

Zindagi meri bohot baaki nahi magar kho diya maine aaj sab kuch hi .

By Khan Firdous