KHHAT

By Shubh Kirti

Khhat nahi..mehaz kore panno ka lifafa hai,

Likho jo tumhari mann marzi mein aata hai.

Saath nahi toh naa hi sahi..tumhare saath waqt mil paana hai mushkil,

Aisi bhi kya khata thi meri jo chhod diya mujhe tanha bismil.

Raasta chaahe alag ho..ek hai abhi bhi manzil.

Makaan mein badal gaya jab tumne chhoda ye ghar,

Gire the tere pyaar mein aise ki dobara khud se mil paayi naa nazar.

Iss adhoorepan ka hone laga hai mujhpe aisa asar,

Abhi bhi chaahta hoon karne ki koshish, chhodenge naa koi kasar.

Mukammal kardo pyaar humara, bann jaao mere humsafar,

Iss akelepann se lagne laga hai ajeeb sa dar.

Kaise hoge tum? Soch kar hoti hai tumhari fikar.

Mere sapno mein arso se sirf tum aate ho nazar,

Kaash tum saath hote mere, khhat kya puri kahani likhte saath milkar.

By Shubh Kirti