Jang Ki Awaz

By Nidhi Dwivedi

Bikhre tukde riwajo ki chunne se

Fursat kaha logo ko

Per din ka ek aadha pahar bach hi jata h

khwaab bunne ko

Uljhe dhaago se simti dahleez

Bandhi payal si bediyaan

Yu aakhein tarere log dekhein

Mai gaati jab bhi yaha

Os ki boondo ka bhi dharm ho gaya

Mai jo bhi deti vo kam ho gaya

Tarsi aise us aawaz ke liye

Aaj baba yhi the bharm ho gaya

Mai udne lagi to paro ko samet

badan dhak diya

Mai bhaagi jaha

mere naam ka kafan rakh diya

Ek saancha h

Per mai mitti nhi

Mutthi se fislu teri ret si

Phir udke jaise awari hawa

Raste se gujru mai rail si

Pedo ke patte sab jhad gaye

Aayi baarish

Sab mausam gaye

Bolke kab ki mai chup ho gayi

Aawaz ab bhi kaano tak pehonchi nhi

Aakhir hosh ab bas me kaha

Aakrosh h har us aawaz pe

Ahankaar ki talwar pe

Aasan nhi aagaz ye

Aur haar jau, to chamatkaar

Saari chaukhatein langhe,

Raktabhishek ho aaj mera

Mere chune se ped mar gaye ?

Devi ne mera kab tirskaar kiya?

Janni bhi to kabhi hogi yaha?

Devi ko bhi tumne apavitra kaha?

Pankti se door sehme hiran ki aakhein liye,

us bachi ki jaati bhook se jeet gayi

Khoon ki boonde kuch kali hongi uski

Tabhi aakhon se yu bach gayi

Sahi galat ke maayne filhaal pata h

Chup kar de vo sawal hoga

Jo sareaam naalo me bikhra pada

Vo sharrer ka tukda bhi

kabhi muskarata hoga

Aakhein band karke andhera banate hain

Hum kyu bhool jate h

Ki jo jaroori h

Vo saans nhi, zindagi h

Aur chunni maathe se sarak hi jayegi

Pallu katto se chid hi jayega

Safar ki shikan maathe pe hi nhi kapdo per

bhi nazar aayegi

Mai gehno se ladi pathar ki murat nhi

Raushani ko gher le

Aisa koi andhera nhi

Haath mere bhi kamjor nhi

Chudiyaan kab ki utaar di

Par ab bhi khankti hai jeet me

Aatishbaji har haar kil

Mai kamjor nhi Banaya tumne hai

Apne upar nirbhar kar ke

Aehsaan jataya tumne hai

Band kar ke sab raaste

Lachar banaya tumne hai.

Ab kaman haath me liye

Tere shabd bhi jhel jaungi

Aadat hai

Sabki nazaron me gir ke Bhi

Khud khush jaungi

Aadat hai

Ant tak bas ek baat yaad hai

Chup rehna ab sharm ki baat hai

Aur jo hath lagaya ab tumne hai

Kasam swabhiman ki

Ye jang ki awaaz hai!

Nidhi dwivedi

By Nidhi Dwivedi