Har Wo Ek Pal

By Shreya Kumari

Jiyo har ek pal ko,

Mat kaho us pal ko ki ye kharab hai,

Kal jab jaoge us intezaar ke pal me

Toh fir kahoge ki ye toh usse bhi zyada khaufnaak hai,

Tum bhaag rahe ho is soch me ki kal better hoga

Kho rahe ho us behtar aaj ko bhi ye soch ke ki kal to sab settle hoga

Jab bachche the to bade hone ki jaldbazi thi

Bachpana ab theek nahi lag raha tha toh jawani se rubaru hone ki sauda-baazi thi

Dosto,

Jawani to aayegi hi, use to aana hi hai

Mat bhulo ye umr us tick-tick badhte samay ki tarah hai, ise to sirf jaana hi hai

Tum  baste ke bojh se darr gaye aur tumhe laga roz school jana bahut kathin hai

Tumhe kahan pata tha ki uss samay uthaya wo bojh se hi jeevan me safalta mumkin hai

Jawani ke daur ne sirf zimmedariyan de di

Fir tumne kaha… "Bachpan theek tha yaar, ye to aur bhi zyada namumkin hai"

Us bachpan me to bas baste ka bojh tha, ab to ghar-parivaar, job — har cheez mushkil hai

Fir mann ne kaha —

"Bas ab ye nibha lo, aage future me sab theek hai"

Hamara kya tha, lag gaye hum ek naye daur me

Jahan mehnat aaj aur aaram kal ke us sapne me tha

Karne lage fir wahi galti hum us mod me

Socha, abhi mehnat kar lete hain, fir to aaram hi aaram hai

Kho diye fir wo saare pal kyunki ab hum khud is zindagi se hairaan hain

Umr bhi gayi, wo saare pal bhi gaye

Dheere-dheere karte-karte jeevan ke har panne, wo saare lamhe bhi gaye

Ab to na wo kam bojh wala bachpan aa sakta hai, aur na wo jawani ki mastiyan

aaj  nahi, kal acha hoga" — is soch me doob gayi meri saari kashtiyan

Ab to na aaj acha hai, aur na kal ka bharosa

Sab milte hue bhi mann ne mann ko hai roka

Aapna bachpana khoya jawani bhi pai

Job bhi le li, ghar-grihashti bhi banai

Bacho ki ummeedein poori to ki lekin unki ummeedo se na paar pai

Beet gayi jawani zimmedariyo ki aadh me

Ab mera bacha mujhe sab kuch dega

Ye soch bhi doob gayi us panj ki bhaad me

Ab to na koi ummeede bachi thi us behtar kal ki aur na wo kabhi na  milne wala behtar kal

Aa gaya budhapa, khote-khote har wo ek pal

Ache pal ke intezar me ab zindagi ko hi alvida kehne ka mauka aa gaya

Jo hume mila tha jise humne gawa diya wo hawa ka jhoka aa gaya

Sab hamara hote hue bhi kuch na tha ab hamara

Ek din behtar kal aayega is soch ko kuch yun tha maine sawara

Chin liya sab kuch mera us behtar kal ke khwab ne

Kho diya Maine sab kuch jise bhagwan ne tha mujhe shoupa 

 Kho diye har wo ek pal, har wo ek mauka

By Shreya Kumari