Hamari Pehli Mulaqat

By Madhvi Sharma

Kehte hai ki aksar pyar or izhar mulaqat hone k baad hota hai,

magar uss pyar ka kya jo ho toh jaata hai

Bas mulaqat k intezar m gehra hota jaata hai,

Kitni hamari mulaqaton ki baatein kia karte the hum,

Jaise, milenge toh dil k tamam raaz zahir karenge,

baaton baaton m tum keh diya krte the ki,

mujhe dekhoge toh gale se laga loge,

or yahi baatein karte hue so jaate the,

phir m ye sochti thi ki tumse mil k

kya kahungi, kya honge mere pehle lawz,

kya m tumse pyar ka izhar karungi ya ladungi

iss baat p ki itna waqt kyu lga dia mulaqat m,

kuch keh bh paungi tumhri aankhon m dekh k

ya bas tumhe gale se laga lungi,

Phir ek subah tumne kaha ki tum mere seher aa rahe ho,

Khushi itni hui ki puri raat sirf mulaqat k baare m soch k nikal di,

Ab tum 1 ghante m uss jaga pahuchne wale the,

ye wahi jaga h jaha socha tha humne bahut si yaadein bnayenge,

tum intezaar kar rahe the,

tum or tumhari ye aadat humesha mera intezar karne ki,

maine tumhe dekha k tum baar baar raste ko dekh k mera intezar kar rahe the,

mathe p ek bindi, aankhon m kajal or zulfein khuli hui,

kyuki aksar tumse suna hai ki m bindi m behad khubsurat lagti hu,

Or jaise maine socha tha wese hi lag rahe the tum,

hamari pehli mulaqat thi or humne bas ek dusre ko gale se laga lia,

Sach m waqt Kam padh gaya,

Or tumse phir ek mulaqat ka waada le k waha se chali aai,

Dil toh bahut bhari tha ki ab hum kab milenge magar yakeen tha bahut jald,

M iss soch m gum thi ki aksar chahne walo se mulaqat ka waqt kam kyu lagta hai,

esa kyu lagta hai jaise kuch or waqt mil jaata

magar mulaqat k ek ek pal ko saanson ki tarah lete toh waqt kam nahi lagta,

lagta jaise jitni mulaqat hui utni bahut thi....

By Madhvi Sharma