Ghar Ki Yaad

By Disha Mavi

Mujhe ghar bahut yaad aata hai

Wo pita ka pyaar

Wo maa ka dular

Bhai behan se wo meethi takrar

Wo mitti,wo aangan,wo bachpan yaad aata hai 

Mujhe ghar bahut yaad aata hai

Aayi dusre ghar yaha hain to sab apne

Naye naye rishte yaha naye hai sare sapne

Laad yaha par koi bhi ghar sa nahi jatata hai

Mujhe ghar bahut yaad aata hai

Reet jag ne ye kaisi banai hai

Beta to apna hai,beti parayi hai

Kaise ik pal me beti ka bhagya naya likh jata hai

Ek duniya ko chhod yaha sansar naya bas jata hai

Ek kehta tu hai parayi,ek kehta tu paraye ghar se hai aayi

Hain dono ghar apne par

Ghar yaha mera kaun sa kehlata hai

Mujhe ghar bahut yaad aata hai

By Disha Mavi