Fir Takra Gyi Rahein

By Kunal Chaudhary

Aaj takra gaye they us’se

jisne meri raah badal daali thi,

wo shola aaj fir dhadhak utha

jiske hone ka mujhe ilm na tha,

bhaap gaadi sa dil dodne laga

saanso ne fir aaj seene ko

alwida kehna chaha,

usne dekha sawalon se bhari nigahon se

aur main nazrein jhukane ki bas sochta raha,

hadbadahat wahi thi aaj bhi,

na haathon ne

na pairon ne sath diya,

aur lafz hothon pe aa kar

nashein mein gota lagate rahe,

aaj fir takra gayi raahein

aur aaj fir hum takrate reh gaye,

adhuri kahani ki

adhuri shuruaat reh gayi.

By Kunal Chaudhary