Esii Insaan Maa Kehlati Hai

By Soham Jain

Ghar se niklo toh rumaal ka yaad dilati hai

Acche kaam ke liye dahi shakkar khilati hai

Woh daant ti hai magar pyaar bhi jatati hai

Jisko maana hai sabne bhagwaan

Esii insaan maa kehlati hai

Maa ki mamta ko samajhna

Nau mahine rakha kokh mein

Uske baad tumhe duniya dikhayi thii

Hua tha jab tumhara janam

Sabse phle muskan maa ke chehre par aayi thii

Maa ne pakda tha hath zor se

Gir mat jaana

Ye toh zindagi ki shuruwat hai

Fisal mat jaana

Maa ne bahut kuch sikhaya

Aaj bhi sikhati hai

Mein seekhta hu

Seekhta jaaunga

Hu mein maa ka laadla

Apni maa jaisa banke dikhaunga

Maa rehti hai hamesha sath

Pehle bhi sath nibhayi thii

Maa mere sath hai

Aaj bhi mujhme samayi hai

Kal bhi mujhme samayi thii

Jab pehli baar chalna seekha tha

Tabhi toh fisalna seekha tha

Chalte chalte gir jaate thee

Aankhon mein aasu aa jaate thee

Maa jab tumko uthati thii

Tumhare aasu poch tumko hasati thii

Rote toh abhi bhi ho

Roye thee pehle kabhi

Yaad kar

Maa hee toh thii jo tumhe chup karati thii

Galtiyo par maa gussa karti

tumhare upar chil laati hai

Jab kabhi thake hue aate ho ghar

Toh maa apne haathon se khana khilati hai

Har insaan chahta hai uski maa ho

Ek maa hee toh hai

Jo gusse mein bhi pyaar dikhati hai

Bina bole baat ko samajh jaati hai

Kabhi utha deti hath

Lkin maarne ke baad chup bhi

Maa hee karati hai

Maa ka ek chaata bhi sahi raasta dikhata hai

Maa ke maarne se

Pyaar kam nahi ho jaata hai

Pehle sab batate thee maa ko

Ab baatein chupate ho

Kabhi maa se bhi baat karo

Naa jaane kyo dooriyaan badhate ho

Maa tumko paal posh kar badha karti hai

Tumko apne pairo par khada karti hai

Fir bhi tum maa par chil laate ho

Maa ko gussa dikhate ho

Woh bhi maa hai

Chup chap sunti jaati hai

Ek kone mein baith kar aasu bahati hai

Maa ka ek ek aasu keemti hai

Uski keemat tum kya chukaoge

Jisko maana hai bhagwaan

Uss maa ko rula diya

Ek baat yaad rakhna

Zindagi mein kabhi safal nahi ho paaoge

Mere hathon mein meri maa ka hath hai

Mein darta nahi kisi se

Meri maa ka aashirwaad mere sath hai

Maa ki bhi hongi kuch pareshaniyaan

Kuch sapne adhoore hai

Ab waqt aa gaya hai

Woh sapne karne poore hai

Ek baat kehni thii maa

Aaj kehna chahunga

Aap jo bhi bolo

Aapka har ek sapna

Mein poora karke dikhaunga

Ye jo shabd hai maa

Iska arth bahut bada hai

Maa ab pareshaniya yun chale jaayengi

Dekh maa tere sath

Tera beta khada hai

Ab toh maan liya hoga

Bhagwaan hai ye insaan

Jiska aashirwaad hamesha sath hai tumhare

Yahi hai woh jo har dam tumhara sath nibhati hai

Esii insaan maa kehlati hai

By Soham Jain