Ek Aam Aadmi

By Deepanshu Sharma

Ek aam aadmi roz subah naha-dhokar ghar se nikalta hai

Kuch karne ka jazba apne andar lekar chalta hai

Na pata usey kahan jaana hai, na pata usey kahaan jaata hai

Bas bhed-chaal mein woh, din-raat yun hi bhaagta rehta hai

Sapne uske unchein hain, neend ka kuch pata nahi

Bas thokron ko bhi seedhi samajh kar, upar chadhta jata hai

Pahunchega ya nahi, yeh nahi jaanta woh

Lekin dil se pahunchne ki mehnat poori karta hai

Ek aam aadmi roz subah naha-dhokar ghar se nikalta hai

Galti se bhi ho jaye agar raaste mein muhabbat ussaiy

Toh sahi raaste par bhi jaate hue, na jaane kahaan-kahaan woh bhatakta hai

Agar sambhal gaya sahi waqt par, toh theek sab

Nahi toh ishq ke bhanvar mein phasta jaata hai

Kuch hoti hain aisi mehbooba, jo ussaiy aage badhati ho

Lekin mere yaar hadh se zyada toh barbaad hi kar jaati hain

Ek aam aadmi roz subah naha-dhokar ghar se nikalta hai

Phir bhi agar woh pahunch jaye manzil par apni

Toh khushi mein bhi woh kahin chupke se rota hai

Kyun? 

Woh sochta hai jab ki aage aate-aate peeche kya chhoot jata hai

Jeevan toh wahin tha bas ab toh woh sapne jeeta hai

Zindagi bhi ab naseeb nahi hoti

Muhabbat ka toh zikr kahaan

Kaamyabi ki godh mein aate-aate

Piche hi chhoot gaye sab rishtey-naate

Ek aam aadmi roz subah naha-dhokar ghar se nikalta hai

Kuch karne ka jazba apne andar lekar chalta hai

Kahaan jaana hai usko pata nahin

Na jaane kahaan woh chalta jaata hai

Na jaane kahaan pahunch jaata hai

Na jaane kahaan pahunch jaata hai

By Deepanshu Sharma