Diwali

By Kunal Sood

Sabhi diwali khushi khushi mana sake

Isliye diwali ghar se door manata hu

Koi gham nahi patakhe sath na fodne ka

Un patakho ki guunj mujhe yaha tak sunayi deti hai

Vo ghar ko sajana..mein nahi kar pa raha..

toh kya..

ghar sajj to raha hai na

Mithayi ki khareedari mein bhagidaar nahi toh kya..

mithayi aa toh rahi hai na

Ghar mein jalte ghee ke diyo ki mehek aa jati hai..jab aankhe band karta hu

Vaha jalti fuljhadiyon ka dhua dhundla kar deta hai mere bejaan kamre ko..

jab aankhe band karta hu

Mujhe jhaank raha hai kurta mera almarih se 

sochta hoga kya ayegi iss baar baari meri?

Shayad agli baar..

par aaj nahi

Aaj kaam par jana zaroori hai!

By Kunal Sood