Dhaage

By Shreya Sharma

Zindagi kehti hai mujhse,

Ja guzar-ja apni had se.

Dekh le meri haqeeqat,

Kya ye jahhnum ya hai Jannat.

Mein humesha badhti aage,

Peechhe chhod ye toote dhaage.

Fir tu abhi tak kyun vhin hai?

Toote us dhaage ko thaame.

Dekh bheegi palkein uthake,

Mujhko bhi fir muskuraake.

Ek dhaaga tootne se,

Ek bandhan chhootne se.

Zindagi kabhi nhi hai roti,

Na hai thamti, na hai soti.

Waqt dega saare uttar,

Kya hai rootha, kya hai chhoota.

Tujhse nhi bandhna tha shayad,

Isliye dhaaga vo toota.

Chhod us dhaage ko tu ab,

Hath mera thaam le bas.

Badh chal tu bhi mere sath aage,

Fir naye dhaagon ko thaamein.

Vishwaas ab bhi poora rakhna,

Niyati ko bhi hai badalna.

Tera dhaaga tujhse bandh jaayega,

Jo nhi fir toot paayega.

Bas jeeta reh mujhe muskurate,

Aage hi aage badhte jaate.

Hai bahut meri raah me ab bhi,

Paani hai manzil shikhar ki.

Jab kaamyaab tu ho jayega,

Khud dhaage saare jhuk jayenge.

Thaame rakhna dor bas tu,

Apne hi bas saath aayenge.

Kaam poora hote hi ye,

Baaki dhaage toot jayenge.

Seekh le tu muskurana,

Gum Ke ye baadal hatana.

Hein bahut is raah mein kaante,

Chalke tu sabko dikhaade.

Mere chhote astitwa mein,

Itihaas tu rach ke dikhaade!

By Shreya Sharma