Darmiyaan

By Shaikh Mohammed Yasin

Ek chhath ke neeche bikhra ek

zamaana tha

Do lafzon ke darmiyaan unsuna ek

fasaana tha

Samaj ka kasoor kahun ise ya

nazar ki bagaawath

Be-hisab koshishen jo theen, chunli

dil ne adhaawath

Paamaal-e-waqt tha mai be-inteha

waqt ka

Jaise kuchal raha ho saya mujhko

mere hi taqt ka

Shiddath ab khud ilm dene lagg rahi

thi kasrathon ki

Gehre samandar me par kashti

doob rahi thi hasrathon ki

Naaqis tha junoon aur alfazon pe

rang’ge thevar the

Beghar mehel the khade aur

pheeke pade zewar the

Raoshni se karza le raha tha

chaaun ka, mai be-ghar

Guzre huve har lamhe ki chotisi ek

lagaan de kar

Gaane ke liye baitha tho naseeb ka

yahi tharaana tha

Ke chhath ke neeche bikhra pada

apna hi zamana tha.

By Shaikh Mohammed Yasin