BUDHA DARAKHT

By Indu Thakur

https://youtu.be/YlzUV2rFTJk

Ek budha darakht mere aangan ka,

Jo sukha murjhaya sa khada hai

Beej se podha ,poodhe se vriksh,

Yun dheere-dheere ye badha hai.

Beeja tha ek maali ne,

Use seencha mehnat paani se,

Nazuk tehaniyan, mulayam patte ,

Yun podha ek wo bana tha,

Thandi fuharein,bachpan ki dhoop,

Us mitti ki god me

Leh-lahata wo pala tha…..

Ek din hawa kuch aur sit thi

Kisi raahi ki nazar us aur padi,

Kuch baat huyi thi maali se,

Podha samjha na kuch nadani mein,

Fir mitti ke kuch ansh ke saath,

Podha bandha gaya ik bandhan me,

Yun tod ke rishte us bagiya se,

Podha panhuncha naye ik aangan me…..

Naye aangan ki kuch aur thi baat,

Yahan alag the thode haalat,

Podhe to wahan bhi the bahut,

Puarani bagiya si par na thi baat,

Fir us aangan me wo boya gaya,

Fir seencha gaya fir dhoya gaya,

Yun fir beeti thi kuch raat,

Ab podhe ki kuch aur thi baat…..

Jyon podha wo bada hua ,

Podhe se umeed badhi,

Podha nhi ab vriksh ho tum,

Kehke us par har nazar gadhi,

Fir vriksh huye us podhe par,

Ek nanhisi fir kali khili,

Mehak se jiske wo aangan khila,

Ye naya sa vriksh fir faldaar bana….

Ek roz naye podhon me is vriksh ka tha audha badha,

Mehak,fal to kabhi chaon dete, aaj ye kisi ka gharonda bana,

Ik naya jeevan ik chehchahaat,

Fir ek podhe-sa isme utsah bhara,

Navjeevan ki hifasat ko,

Tha bahon me uski zor badha……

Par ik din darakht ka tha dil bhara,

Jab nabhchar wo tha nabh me ja uda,

Bahein hila kar pukarta use,

Par wo khag na tha wapis muda,

Karta apne astitva par sawaal,

Mayoos aaj wo vriksh khada,

Patjhad, Sharad, Varsha, Basant,

Har ritu ke the sitam hazar,

Par toda hriday us darkht ka jisne ,

Wo tha us khag ka nabh vihar……

Apne jeevan se chotein khaye hai,

Us baat ko dil pe lagaye hai,

Kahan janma kahan pahuncha,

Kya jeevan ne use rang dikhayein hain,

Jhad gaye patte, sukhi tehniyan,

Jo andar-andar mara hai,

Wahi budha darakht mere aangan me,

Sukha murjhaya sa khada hai……

Gharonda aaj bhi bahuton ka hai wo,

Par dil uska na hara hai,

Wahi budha darakht mere aangan me,

Sukha murjhaya sa khada hai……

Apno ne choda ,khud se hara

Har din jag se jo lada hai,

Wahi budha darakht mere aangan me ,

Sukha murjhaya sa khada hai……

Rakh ho jaun, khud ko mita dun ,

Is zid par bas adda hai,

Wahi budha darakht mere aangan me,

Sukha murjhaya sa khada hai……

Wahi budha darakht mere aangan me,

Sukha murjhaya sa khada hai……

By Indu Thakur