Aurat Ki Zindagi

By Disha Kedia Gupta

Bargad k ped si hai

Aurat ki zindagi

Sab par chaya kar

Tapti h Harr pal, Jhadti h Harr pal

Par khadi rehti h,

Bin aah bhare

Sehti h sab kuch

Chup chaap khadey hue

Pinjare mein kaid panchi si h

Aurat ki zindagi

Fadfadaati h apne par

Machalti h, tadapti h

Chaahti h ooncha udna

Par rah jaati h bus

Aah bhar

Khule aasmaan k Armaan liye hue

Dor se bandhi patang si h

Aurat ki zindagi

Oonchi udaan toh hai par

Bandhi hui, uljhi hui

Laanghi jo Seema apni

Toh kaat di jaati h bus

Aa girti h dhara par

Dil mein tees liye hue

Circus k joker si

Aurat ki zindagi

Chehre par hassi toh hai par

Dabi hui, sehmi hui

Khushi ka mukhauta pehen

Behla k dil sab ka

So jaati h haar k

Khushi k khwaab liye hue

Jaisi bhi h

Aurat ki zindagi

Zinda Dili se jeeti h par

Haarti nai, thakti nai

Gir k uth ti h, roz sambhalti h

Bharti h nayi udaan

Sajaati h roz khwaab naye

Aisi h aurat ki zindagi

Jaisi b h aurat ki zindagi

Sirf aurat he samajhti h

Ek aurat ki zindagi

By Disha Kedia Gupta