Andaaz-e-zindagi

By Siddhartha Mittal

Ye zindagi ka safar bhi kitna ajeeb hai

Koi ek pal ke lie door to agle pal kareeb hai

Ek paheli hai ye safar jisme bitane hai ye sare pal

Pal jo kuch haseen hai aur kuch jo namkeen hai

Nazariya hai bas inn palo ko jeene ka

Kuch log inko jeete hai aur kuch inhe bas katte hai

Iss safar me log milenge hazar jinke nazariye honge beshumar

Unn logo me kahi hum bhi honge khade apne hi uss andaz ke sath

Jo andaz kisi ko rijhaega to kisi ko rulaega

Jo dil kisiko apnaega to kisiko bhulaega

Ye safar bada anokha hai mere yaar mere dost

Kahne ko baate hongi behisab magar peeche hogi sirf ek soch

Soch jo tumhe le jaegi unn unchi vadiyo me jaha duniya choti nazar aegi

Soch jo tumhe gira degi uss daldal me jaha duniya tumhe chota kehlaegi

Par ban na jana tum itne bade ki sab log tumhare age sir jhukae

Na ban jana kabhi itne oche ki logo se nazre na mil sake

Kyuki jo sir jhukaenge wo kabhi tumhare sath nhi chal paenge

Aur jo sath na chal pae to wo sache yaar kaise kahlaenge.

By Siddhartha Mittal