Adhuri Kahaniyon Ki Fitrat

By Samyo Ranjan Jagdev

Adhuri kahaniyon ki fitrat hai,

wo kabhi poore nahi hote;

Kirdaar toh poore hote hain,

lekin kahani ke anjaam poore nahi hote;

Ye teh karna ,

ke kahani kitni buni hai aur kitni reh gayi;

Ye mehez sirf likhawat tak seemit hai;

Warna zehen mein chhipi baatein likhne Lage,

Toh bas panno se aasun nikalne ki deri hai;

Yun toh sharir ko mitti mein dafnaao,

toh mitti mein mil jata hai;

Na koi afsos,na koi gum ,na koi dard;

Aur kisise koi rishta bacha reh jata hai;

Ye dil hi bas aisi jagah hai,

Jahan zehni laash ko kabr mein dafnaya jata hai;

Aur wo aakhri pal!!

Jahan sab kuchh khatam ho jata hai!!

Kisise rishta ,kisise dosti,kisise pyaar,

Aur kisi par se vishwaas;

Ye zaroori nahi, har adhuri kahani dukh bhari hoti hai;

Kabhi-kabhi saath hi,kuchh waqt tak reh jata hai;

Yun toh Kai baar ,judaai kismat mein likhi hoti hai;

Par kabhi-kabhi ,ek dusre ki sehmati bhi hoti hai;

Maana wo sab chubhte honge, Kai baar dil mein yaade banke;

Lekin ye bhi sach hai,

Ke jee lete hain bagair sabke ek waqt baad aage badh ke;

Tumhe shayad lage ke,ek adhura pan kahani mai reh gaya hai;

Lekin dil janta hai,

Ke acha hua,ye kahani adhura hi reh gaya hai!!

By Samyo Ranjan Jagdev