Adhure, Incomplete

By Parita Jain

Maa, kal bethke baatein karenge pakka, aaj kaam hain! Kal leke chalta hu beta, aaj busy hu! Yaar kal milti hu, aaj nahi ho payega! Shayad usse bura lagega, chodo, mein nahi bol rahi!

Iss kal me na jane humne kitni baatein adhuri chod di, najane kitni koshishe adhuri chod di, kitni bhaavnae adhuri chod di, hum wakt ke sath chalte chalte najane kitne pal ahdure jite hain, hum jusbaato me uljhe najane kitni baatein mann me hi ked rakhte hain, najane kitne lamhe mukkamal hi na ho pate hain,

najane kitni manshaein apurn hi reh jati hain, kitni mulaakatein tal jati hain, aur phir, kal kisne dekha hota hain, najane kitni baatein yuhi adhuri reh jati hain, kabhi wo shaks mit jata hain, to kabhi wakt ki dhoop me wo pighal jate hain, wo pal, wo baatein, humari zindagi ese hi kitni adhuri reh jati hain, kabhi ant to kabhi wakt ki agan me jalke, najane kitne dabe jusbaat rakh ho jate hain, bas yuhi zindagi adhuri reh jati hain, bas yuhi wo baatein adhuri reh jati hain!

By Parita Jain