Adhoori Azzadi - Youth Ki Barbaadi

By Debasree Maity

Kuch bolungi tow vivad hoh jayega…

Sarkar pe bolungi tow deshdrohi kehlaungi.

Par kuch nahi bolungi tow…

Khud se nazre kaise mila paungi?

Mujhe na ab tum is duniya ke freedom of speech ke qaide kanoon pehle hi bata doh,

Kyunki agar aise karne se mujhpe tohamat nahi lagegi,

Toh shayad mera voice bhi ek safe zone mein reh jaayega.

Par nahi…

Hamesha ek sawaal uthta hi hai:

“Palestine pe likh diye? Kashmir ke waqt kaha thi?”

“Manipur pe likh diye? Pakistan ke Hinduo pe kyun nahi?”

“Muslim pe likhe? Toh Ayodhya pe ab tak chup kyun thi?”

Sarkar pe likh diya?

Arre madam, kahi deshdrohi toh nahi?

Aur agar fake feminism ka jhanda nahi lehrayi…

Aur LGBTQIA+ ko support karne chale jao,

Toh sabse pehle ek dusri aurat hi uthke bolegi:

“Tum bhi lesbian ho kya?”

Dekha?

Tumhe toh tag dena hi hai.

“Feminist.”

“Woke.”

“Leftist.”

“Anti-national.”- “Anti-government.”

Arre kabhi kabhi toh bas… human kehke chhod bhi diya karo!

Nahi, tum log sab sahi bolte ho.

Sahi hai na,social media pe char baatein karna,

Troll karna,

Hatred pehlana,

Ya comment section mein kuch bhi likh ke attention le lena.

Na yaar… cool ban jaana.

Mazak hi toh hai!

Par nahi.

Sad mazzak hai yeh.

Kisi ki sukoon todke apni hansi banana…

Meri duniya sach mein yeh nahi hai.

Rapist ko chhod dete,

Justice delayed is Justice denied - Dear judiciary?

Naare lagaana padhta hain literally -

Aur sadkon pe humare raksha karne walon ko bandhi bana dete,

Yahi toh freedom hai? - matlab, paws aur bhaw bhaw karne wale jinke pas na hain shabd na

hain hatiyar chalane ka irada kyunki woh insaan joh nahi hain - woh bhala kaise hoga

humara dushmaan?

Aurat ki freedom…

Aaj bhi society ki need pe depend karti hai.

Shaadi ke baad kitni raat bahr reh sakti ho?

Job karni hai? Baccha kab karna hai?

Aurat ke decisions hamesha… kisi aur ke permission slip ke saath aate hain.

Itni incomplete hai freedom…

Phir bhi hum har saal independence day celebrate karte hain.

Flags, sweets, selfies, reels.

Par ghar ke andar…

Aurat ki azaadi abhi bhi pending approval pe hai.

Kitchen kaam sambhalo toh sanskaari.

Na karo toh rebellious.

Ladka samhal nahi pata toh keh dete hain:

“Arey, yeh toh ladkiyon ka kaam hai.”

To those parents,

Adhoori sikhsha se adhoora azaadi banti hai.

Kaash ap poora bata dete,

Ki, ladka ladki ka kaam alag nahi hota - kaun kehta household chores are for ladies - men are

meant for offices only. Also, Ki ek, spinal chord hote hain jinhe koi bhi halat pe bechni nahi

hoti.

Sabse bada gunah?

Gunah karna nahi.

Gunah dekh ke chup rehna.

Gunah sehna.

Aur society ne toh sehna hi normal bana diya hai.

Gunah karne wale jitne doshi,

Gunah sehne wale bhi utne hi doshi hote hain.

Aur isi liye,

Hamari freedom incomplete hai.

Incomplete jab tak ek ladki ko “loud” kehke chup na karaya jaaye.

Incomplete jab tak azaadi ek festival nahi, ek haq ban jaaye.

Incomplete jab tak ek tweet, ek poem, ek protest,

Loyalty ke test mein fail na ho.

So next time…

Independence Day ke jhanda ke saath apna conscience bhi lehrana.

Kyuki azaadi sirf jail ke bars todna nahi…

Apne andar ke dar todna hota hai.

Aur jab tak dar zinda hai…

Hamari freedom, incomplete hai.

Aur main khadi hoon yahan…

Naaz se, shor ke saath, dard ke saath…

Kehti hoon: Adhoori azaadi ke is khel mein, hum sab ke haq ki suno…

Har aawaz ka, har nazar ka, har sapne ka…

Kuch bolungi to vivad…

Par main bolungi…

Na khud ko dhoka dungi…

Na sach ko chhupane doongi…

Freedom… incomplete hai…

Par meri awaaz… kabhi nahi…

By Debasree Maity