Aaj Ka Sach

By Kalpana Gupta

Samay ke sath, Badal rahi hai aj sabki soch

Nazar ghumao, dekho ho rahi har taraf nayi khoj

Geeta, Ramayan, padh sun dekh kar milte the updesh

Aya naya zamana, satsang pravachan ka charo or samavesh

Sheher sheher maidano me ho rahi hai bheed jama

Pravachan ki aad me, dhongi sadhu paisa rahe kama

Sab jhooth nahi, bahut kuch hai satya, samjho agar sahi arth

Satya ko pehchaan liyato sahi, warna mehnat hai vyarth

Ganga me dupki lagane se, dhulte nahi hai paap

Man jiska Ujjwal hai, Ganga pahuche us tak ap

Jidhar dekho, har koi apni dhun me ho raha magan

Charo taraf se yash kamane ki, laagi hai lagan

Sacha sukh prabhu ne usi ko hai diya

Apne sath, dusra ka bhala jisne hai kiya

Janam apna yeh, yadi lenge hum sudhar

To peeda kuch kam hogi, agli baar

Kai yoniyo ki saza, bhugat rahe hum aaj

Man kaabu me kar liya, to aasan ho har kaaj

By Kalpana Gupta