Aaj Fir Tumpe Pyaar Aaya Hai

By Nasheed Asad

Aaj fir aayi tum mere sapne me,

Aaj fir ek sapna toota hai,

Aur fir kuch iss tarah dil ko tumhari yaadon ne ghera hai,

Haan, aaj fir tumpe pyaar aaya hai.

Yaad to hoga hi tumhe wo din,

Jab tumne pehli baar mujhe gale se lagaya tha,

Maana main nashe me tha jab tumne mujhe sambhala tha,

Thik usi tarah mere sapne me aake mujhe firse sambhal liya,

Lekin jab aankhein khuli to aisa laga,

Maano jaise saansein tham si gayi ho, dhadkan ruk si gayi ho,

Thik usi tarah jab tumne aakhri baar mujhe gale se lagaya tha,

Yaad to hoga hi tumhe wo din bhi.

Haan, aaj fir se ek sapna toota hai,

Haan, aaj fir tumpe pyaar aaya hai.

Maana ki tumhe ishq nahi tha,

Magar aisa bhi to nahi tumhe ishq jaisa kuch bhi nahi tha,

Kuch to tha tere mere darmiyan,

Wo jo ek tha benaam sa rishta?

Yaad to hoga hi tumhe wo din,

Jab tumne pehli baar mera haath thama tha,

Nazrein jhuk gayi thi, dhadkan badh gayi thi, aur dil me kisi ki dastak hui thi,

Magar na jaane kyun uss khuda ko kuch aur hi manzoor tha,

Sab chooth sa gaya, dil toot sa gaya,

Jab tumne aakhri baar mera haath thama.

Yaad to hoga hi tumhe wo din bhi,

Kya khuda bhi tumhara tha?

Haan aaj fir aayi tum mere sapne me,

Aaj fir se ek sapna toota hai,

Aur aaj fir tumpe pyaar aaya hai.

By Nasheed Asad