"RAPE"

By Viransh Shah

Sunke hi ek negative feeling aai na..

Aur aani bhi chahiye.

Kyuki aaj bhi kai ladkiyon ke rape hote hai aur hum kuch nahi karte.

Everyday atleast 4 girls are raped...

Yess.. Everyday...

Aur ye to sirf un ladkiyon ki baat hai jinke baare me pata chalta hai ki inka rape hua hai.

Na jaane aur aisi kitni ladkiyan hogi jinka rape hua hoga aur samaj k dar se uske gharwale tak kisko pata nahi hoga.

Aur agar ye sunke bura lag raha hai to sharam kijiye...

Radio mirchi pe RJ Naved ne bhi ek baar call pe kaha tha k doctor abortion karana hai kyuki ladki hai aur agar ye paida hui to rape ho jayega...

Aur ye awaaz hai har us pita ki,

Jo darta hai ki uski beti paida hui,

Aur na jane kaise, kab aur kaha

uska Rape ho jayega...

Kyu hum tab gussa dikhate hai jab kisi

Ladki ka rape ho jata hai...

Aur hum mese kitne aise log hai

jinke samne Kai ladkiyan chahe

Vo ek classmate ho, friend ho, teacher ho, ya office ki co worker ho

molested hoti hai to bhi

Dekh ke undekha kar dete hai.

Schools, colleges, malls, theatres,

Stations, airports, aur na jane kitni aisi jagah hai ....

Jaha ladkiyan molest hoti hai aur

phir bhi koi kuch nahi karta...

Kyuki vo hamari behen, biwi, beti ya maa nahi hai na....

Aur bahar to jane dijiye,

ladkiyan unke apne gharo

par insecure feel karti hai.

Delhi me 8 mahine ki bachi

ke saath uske rishtedaar ne

Usi k ghar me rape kiya tha...

Aur kai log bolte hai ki agar

ladki raat der tak ghumegi,

chote kapde pehnegi to

rape to hoga hi na.

Ek aurat jisne saree se

apne bure badan ko

dhak ke rakha tha uske saath

din dahade rape hua tha...

Aur kitna sunna hai aapko...

Rape hone ki wajah,

unke chote kapde nahi hai..

Wajah hai vo choti soch,

Jisko leke log ghum rahe hai...

21 vi sadi me aa gaye ho na,

Par soch aaj bhi purane zamane ki

Leke ghumte ho.

Are chodo, me bhi

kinke samne bol raha hu,

Inme se khud kai log honge jo aaj bhi ladki ko galat nazar se dekhte hai.

Par ye zaroor sochna ki tumhari behen ya maa ko bhi koi ladka ese hi dekhta to tumhe kaisa lagta

Aur me galti aapki bhi nahi manta hu,

Kyuki aap logo ko fark

Tab tak nahi padega

Jab tak khuda na kare

Par jab khud ke ghar ki koi,

Beti ya behen k saath esa hoga...

Kyuki dusro ki beti, ya behen k

Saath koi kuch bhi kare hume

Usse kya matlab...

Sahi kaha na??!!

To bhi haath jodke shifarish hai,

Agar meri baat thodi si

bhi samajh aayi ho na,

To agli baar apne samne kisi ladki k saath esa hota ho usse pehle

Isse rok dena. Please...

Aur... Sabhi ladko ko ek ladke ki taraf se ek hi guzaarish hai....

k please, please kisi bhi ladki ko

buri nazar se mat dekhna

Aur sabhi parents se ye kahunga,

K apne beto ko samjhao,

K ladkiyon ki izzat karna sikhe...

Aur agar isme se kuch bhi samajh

Na aaya ho na to

Aa jana har baar ki tarah kisi jhulus me,

Candle march karne jab vapas kisi ki

Beti, behen ya biwi ka rape ho

Aur JUSTICE mangana ho...

Aur sorry aapka kimti waqt

Barbaad karne k liye...

RAPE HONE K BAAD MAT JAGIYE,

RAPE HONE K PEHLE USE ROKIYE.

By Viransh Shah