By Shradha Jindal
Papa kaun hote hain
Jo chori chori raaton mein
Humein sote hue dekhte hain
Dekhte hue muskurate hain
Aur muskurakar chupke se rote hain
Papa kaun hote hain
Wo jo pura bazaar khareed late hain
Bina bole yun hi pyaar jatate hain
Kabi kuch khatam nahi hone dete
Aankhen bhi nam nahi hone dete
Papa kaun hote hain
Bachchon ke dard jo khud bhi tadapte hain
Maa ki tarah wo bhi raaton mein jagtein hain
Pal bhar mein bechain ho jate hain
Par chehre par hasi hi dikhalate hain
Papa kaun hote hain
Wo jo baat baat pe daanta karte hain
Der ho kabhi to chinta zyada karte hain
Subah uthne ke lie shor machate hain
Lekin bas yun hi wo pyaar jatate hain
Papa kaun hote hain
Wo humhare Jeevan ki Prerna hote hain
Unka Jeevan humare liye seekh hota hai
Kaunsa kadam sahi or kaunsa mod theek hota hai
Papa hi humein sikhate hain
Bete, papa ke ladle
Aur beti ka pehla pyaar kehlate hain
Wo sabki Khushi mein
Apne ghum bhul jaate hain
Humari dhal banke
Har mushkil se ladd jaate hain
Yun hi nahi papa ek superhero kehlate hain
By Shradha Jindal