Nazm

By Jahnvi Gulati

Kisi ne kaha tha ki pyaar karna asaan hai

Aur pyaar karte rehna mushkil hai

Par mujhe lagta hai pyaar karna bhi mushkil hai…

Kisi ko yeh ehsaas dilana ki voh pyaar ke kaabil hai, mushkil hai

Kisi ko btana ki voh kitna khoobsurat hai, mushkil hai

Kisi ki khushi ke liye apni khushi qurbaan karna, mushkil hai

Kisi ko apne dil ki baat btana, bhot mushkil hai

Phir jab dil tut jaaye, khud ko sambhaalna,

mushkil hai

Sau zakhm ho dil me, par chehre pr muskaan rakhna, mushkil hai

Bhari mehfil me khudko akela paana, mushkil hai

Taaro ke beech chand jaisa chamakna, mushkil hai

Yaha sab mushkil hai, toh aasaan kya hai?

Insaan me bhagwaan hai toh insaan kaha hai?

Bharosa khud par hai toh yeh gumaan kya hai?

Aur jaha bikti hai insaaniyat voh dukaan kaha hai?

By Jahnvi Gulati