Ishq

By Barleen Kaur Ghuman

Maine suna hai Ishq shaayar ko maar deta hai,

Toh btao kya mai bhi tyaari rakhu?

Ishq ki hr cheez hi naayaab hai,

Kis cheez ko jaan se pyaari rakhu?

Ishq se badi koi saugaat nhi mili,

Dil ke taraazu mein kise ishq se bhaari rakhu?

Ishq toh bs ishq hai na; toh haar jeet kaisi,

Ishq se jeet jau, ya khud ko haari rakhu?

Ishq toh duniya bhi bhula deta hai,

Toh tujhe bhool jau ya teri yaad dulaari rakhu?

Lgta hai ishq ki baazi haar gyi hu mai,

Toh kya ab khud ka naam juaari rakhu?

Suna hai ishq sb kuch loot leta hai,

Toh ab kya aukaat hmaari rakhu?

Ishq toh khuda ki rehmat se milta hai,

Toh kya ab apni pehchaan bhikhaari rakhu?

Aur suna hai Ishq shaayar ko maar deta hai,

Toh ab ishq krna chhodh du ya phir jaari rakhu?

By Barleen Kaur Ghuman