Hijr

By Dr. Ammar Khalid

Hamne dekhe hain ajab log zamane wale

Khud gharzi me jeete hue mar jaane wale

zabt-e-ishq bhi laazim hai maana lekin

Kyu chahiye tujhe wo log satane wale !

Phir kyu sajdon me yoon hi raat basar karta hai

Ab kya aayenge laut ke na aane wale

Gham-e-ulfat me to bedaad hi karenge lekin

Ham na honge to yaad karenge zamane wale

Koo-e-yaara me kahan talashte ho hame

Bazm-e-rindana me milenge ab chahne wale

Baada jab tere naam ki hothon se lagata hu main,

Mujhko dekh ke jal jaate hain maikhane wale

Qissa-e-arbaab-e-wafa jo sunenge meri

doob k mar jayenge sab ashiq kehlane wale

Mujhko maloom hai tere baad mera kya hoga

Baazoo kam pad jayenge mujhe dafnane wale

Aakhri pal bhi meri ankhon me bas ek tamanna hai

Ki jaam Aankhon se pilade tu pilane wale

By Dr. Ammar Khalid