Maa

By Jahnvi Gulati

Meri maa

Jisne mujhe laakho sapne dikhaye

Uske bhi toh kuch sapne honge?

Meri maa banne se pehle, maa bhi toh kuch banna chahti hogi?

meri maa banne se pehle, aakhir maa bhi toh ek beti hi hogi

Jaise mujhe maa ki zarurat hoti h

Waise hi maa ko bhi toh maa chahiye hogi

Mere hone ke baad kaise maa ne apne saare sapne daba liye

Mujhe har ek Khushi mile isliye usne apne saare aansu chuppa liye

Mujhe maaf karde maa mai tujhe kabhi kabhi samjh nai paati

Tere jaisi dikhti zaroor hu par tere jaisi ban nai paati

Tu toh dard chupa kar bhi muskuraa leti hai 

Tu thakk kar bhi sabka dhyaan rakhti hai

Tere hone se hi toh ghar, ghar lagta hai

Tu mere saath na ho toh mujhe dar lagta hai

Tu bta mai tujhpar kaise likh sakti hu?

Jisne mujhe likhna sikhaya mai bhala uspar kya likh sakti hu?

By Jahnvi Gulati