Maa

By Tanishq Srivastava

Mei hun insaan aur Maa hai bhagwaan 

Karta nahi araam kyuki lena hai makaan

Maa ko dilana hai ghar aur apni pehchaan 

Maa ko dilana hai sab woh bina dekhe daam

Maa ne hai sikhaya paani peena kaise

Maa ne hai dikhaya aage chalna kaise 

Maa ne hai bataya aage badhna kaise 

Maa ne hai samjhaya jeevan jeena kaise

Maa ne hai banaya apni aakhon ka tara

Maa ki aakhon me bas hai ghar hamara

Maa hi hai har gham ka sahara

Maa ne diya saath jab sabne nakara

Maa ki wjah se mili likhni ki hai khoobi

Maa ki jagah le na paaye koi ajnabi 

Maa ke bina meri ye zindagi hai adhoori 

Maa ke siwa yahan koi nahi hai kareebi 

Maa pehla shabd bolna seekha meine

Maa pehla arth jahan mei samjha meine 

Maa pehla pyaar aur Maa pehla rab 

Maa pehla sab iss baat ko hai jaana meine

Maa se hi shuru hui meri pehli saasn

Maa pe hi khtm hogi meri aakhri saasn

Maa se hi shuru inn aakhon ka yu dekhna

Maa ke hi saath band ho jaye meri aakhn 

Maa ki hain baatein saari aati muje yaad 

Maa se hun door karta unse faryaad

Maa ko hai lagta dar kyuki beta unka bahar

Maa ko hai pata usne na chore hathiyar 

Maa ne hai laga diya apna hamara sab

Maa ne hai gawa diyaa apna saara sab

Maa ke karmo ka gawah hai yeh rab

Maa ke karmo ka fal unhe dega tu kab?

Maa meri chaand mera suraj mera maan

Maa se hi hai inn sitaron ki pehchaan 

Maa se hi hai mera pura khaandaan

Maa ko hi dekhta mei subah din o shaam

Maa ne hai bola rakhna pariwar ko sabse pehle 

Maa ko rehti chinta beta mushkilon se khele

Maa ko rehta dar kahin gir na jaaun mei 

Maa ko hai pata kuch nhi ata zindagi mei unse pehle

Maa pe likhu jitna utna lagta hai kam

Maa ka hai pyaar uski nahi hai rakam

Maa puch le haal theek hote saare zakhm

Maa rakh de khaali haath woh hota malham

Maa ki ek akeli santaan hu mein

Maa ka ek lauta abhimaan hu mein

Maa ke liye Radha aur unka hun Krishn 

Maa ke liye de skata apni jaan hu mein.

By Tanishq Srivastava