Her

By Roy Harwani

Shaam thi wo ik feeki si,

Na baatein karne wala tha koi meethi si.

Haule se khatkhataya tune dil ka darwaaza, 

Khushi ka na raha koi thikana, jo tu pyaar se bas hasti rehti thi.

Tera 'Achha sun, tujhe pata hai aaj kya hua?'

Ban gaya din ka sabse khoobsoorat silsila.

Tera saath na choote, mai bas maangu ye dua,

Jab tu saath ho, toh lagta hai jahan hai mila.

Tere hasne se hi khusboo chaa jaati,

Thakaan meri ek pal mei mit jaati.

Khush ho jaata hu mai jab haatho mei haath ho tumhara,

Jeena chahta hu mai, us pal ko jeena chahta hu mai dobara.

Twri aankhon mei khokar sab bhool jaata hu,

Teri hasi ke saath har dard ko mitata hu.

Chhoti chhoti raaho par haath thaamke chalna,

Tera haath pakadhkar, bas duniya se dhoor hona chahta hu.

Kabhi raat mei taare ginte hai, haath thaamkar,

Kabhi sheher ke raaste ghoomte hai, sapne baatkar.

Tere saath har pal ek kahani ban jaati,

Saath ho hum toh chehre se mere muskuraahat na jaati.

Tere saath wo bike pe bin manzil ka safar,

Aise jaise ki sirf hum ho aur baaki sab ho be-asar.

Hawaaon mei baatein, khule aasmaan ke tale,

Na jaane kitne lamhe tere saath yu hi chale.

By Roy Harwani