ചതുരംഗം

By Tulasi Chembakam

ജനന മരണങ്ങൾക്കിടയിലെ ജയഭേ -

രിക്കായുള്ളൊരാ തീവ്ര തൃഷ്ണയെ,

ചതുരംഗക്കളത്തിലെ അടരാടുമാ

കരുക്കൾ പോൽ കണ്ടു ചൊല്ലിടട്ടെ!

ചതുർ -അംഗങ്ങളെന്നാലീ

പോർനിലത്തിൽ

ഗജം അശ്വം രഥം കാലാൾ എന്നിവരാൽ അക്ഷൗഹിണിയൊന്നൊരു-

ക്കിയീ സേനകൾ,

യുദ്ധ വിന്യാസം ചെയ്തു പോരാടി ജയിപ്പാനുള്ള

വിശേഷ വിനോദ മൊന്നായി ഗണിച്ചീടാം.

ബാല്യ കൗമാര യൗവ്വന വാർദ്ധക്യമെന്നീ നാലു

ദശകളാലും കർത്തവ്യങ്ങൾ കൊണ്ടാടി ,ലാഭ , ലക്ഷ്യ, നഷ്ടമെന്ന സേനയൊന്നൊരുക്കി , പട വെട്ടി പോകുന്നൊരീ കുരുക്ഷേത്രത്തിൽ പലതിനോടും .

മനസ്സിലെ മോഹങ്ങളുടെ കറുത്ത കരുക്കളും

ബുദ്ധിയിലെ ചിന്തയുടെ വെളുത്ത കരുക്കളും

തമ്മിൽ അടരാടി അരങ്ങിതു കൊഴുക്കുമ്പോൾ ,

മനസ്സാക്ഷിയെന്നൊരാ രാജനെ കാത്തിടാം

കണ്ഠത്തിൽ വാൾ മുനയതു ഏൽക്കാതെ .

ആയുസ്സിൻ ചതുരംഗ കളത്തിൽ ആരുമേ ..

അലസ്സരായ് തുടരാതെ അങ്കം നടത്തി ജയിക്കൂ,

അഘോരമാം അധർമ്മത്തിനു മനീതിക്കുമെതിരെ ,

കമ്പമൊട്ടും കുറയാതെ കളം നിറഞ്ഞാടി തന്നെ.

🌟🌟🌟🌟🌟🌟

By Tulasi Chembakam