ಕಲಿಯುಗದ ಅವಾಂತರ ಕೃಷಿಯೆಡೆಗೆ

By Gurusiddeshwar M Badiger

ಅಡಿಪಾಯದ ಅಡ್ಡಿಗೆ

ಪೈರುಗಳು ಅಳಿದಿವೆ

ಬದುಕಿನ ಬವಣೆಯ ತಪ್ಪಿಗೆ

ಕಟ್ಟಡಗಳು ಬೆಳೆದಿವೆ

ಬೆಳೆದಿರುವ ಮಹಡಿಗಳ

ಕೊರಗಿನ ಕುರುಹುವಿಗೆ

ಕಲಿಯುಗದ ಅವಾಂತರವು

ಕೃಷಿಯ ಭೂಮಿಗೆ

ಕುಂಟೆಯು ಕೂತಿದೆ

ಕೂರಿಗೆ ಮಲಗಿದೆ

ವಿದ್ಯುತ್ತಿನ್ಯಂತ್ರಗಳು ಜೀಕಿವೆ

ಜೀಕಿ ಜಿಗಿಯುತಿವೆ

ತಣಿದಿದೆ ಮಣ್ಣು ಗೊಬ್ಬರಕೆ

ರಭಸದಿ ಸುಡುತಿದೆ ರಸಗೊಬ್ಬರಕೆ

ಭೂತಾಯೊಡಲ ನಾಟುತಿದೆ

ಬಸಿರಲಿ ರಕುತವು ಸೂಸುತಿದೆ

ವೃಕ್ಷವು ಅಲಕ್ಷ್ಯವಾಗಿ

ಮಳೆಯು ಮಾಯವಾಗಿ

ಫಲದ ಮಣ್ಣು ಮಡಿದು

ಪಾದದಡಿಗಿನ ರಸ್ತೆಗಳಾಗಿವೆ

ನೀರಿಲ್ಲದೆ ಮೇವಿಲ್ಲದೆ

ದಣಿವಿಲ್ಲದೆ ಪಶುಗಳು

ಕಸಾಯಿಖಾನೆ ತಟ್ಟುತಿವೆ

ಕೊರಳಲಿ ನೆತ್ತರ ಹರಿಸುತಿವೆ

ಕೆಸರು ಕೊಸರಿ ಕಾವಾಗಿ

ಬಣ್ಣದಂಗಡಿಯ ಹಸಿರು

ಮನೆಯ ಬಣ್ಣವಾಗೋ ಮೊದಲು

ಹಸಿರೇಕೆ ಬೆಳೆಯ ಬಣ್ಣವಾಗಬಾರದು.

By Gurusiddeshwar M Badiger