ಕನಸುಗಳು

By Sushma Odugoudar

ನಿದ್ರೆಗೂ ಕನಸಿಗೂ ಏನಿರಬಹುದು ನಂಟು

ಒಮ್ಮೆಯಾದರೂ ಎಲ್ಲರಿಗೂ ಕನಸು ಬೀಳುವುದುಂಟು

ಬೇಡಿ ಬಯಸಿದಾಗ ನಿದ್ರಾ ದೇವಿಯ ಆಲಿಂಗನ

ಜೊತೆಯಲ್ಲಿಯೇ ಸಿಗುವುದು ಸ್ವಪ್ನಸುಂದರಿಯ ಚುಂಬನ

ಇರುಳು ತೆರೆದಿಡುತ್ತಲೇ ತನ್ನ ಕತ್ತಲೆಯ ರಾಜ್ಯ

ಕನಸುಗಳು ನಡೆಸುವವು ತಮ್ಮದೇ ಸಾಮ್ರಾಜ್ಯ

ನಾವೇ ಹಾಸಿಕೊಂಡ ನಮ್ಮ ಹಾಸಿಗೆ

ಹೆದ್ದಾರಿಯಾಗುವದು ವಿವಿಧ ಕನಸಿಗೆ

ಅಬ್ಬಾ! ಎಂತಹುದು ಈ ನಿಶೆಯ ಸಾಗರ

ಅಲ್ಲೆಲ್ಲ ಬರಿ ಕನಸುಗಳದೇ ಆಗರ

ಮನದ ಭಾವನೆಗಳ ಪ್ರತಿಬಿಂಬವಾಗಿ

ಬಿಚ್ಚುತ್ತಾ ಹೋಗುತ್ತವೆ ಇವು ತರಂಗಗಳಾಗಿ

ಸುಪ್ತ ಮನಸಿನ ಭದ್ರ ಕೋಟೆಯ ಒಡಿದು

ಕನಸುಗಳು ನುಗ್ಗುತ್ತವೆ ಎಲ್ಲ ಶ್ರಾಂಕಲೆಗಳ ಕಡಿದು

ದೊರೆಯಿತೆಲ್ಲಿಂದ ಅವುಗಳಿಗೆ ಇಷ್ಟು ಪ್ರಬಲ ಶಕ್ತಿ

ಯಾರು ಹೇಳಿಕೊಟ್ಟರು ಹೀಗೆ ಹೊರಬರುವ ಯುಕ್ತಿ

By Sushma Odugoudar