ಒಡೆದು ಹೋದ ಕನ್ನಡಿ

By Sushma Odugoudar

ನೀನು ನನಗಂದು ನೀಡಿದೆ ಒಂದು ಸುಂದರ ಕನ್ನಡಿ

ಸೆರೆ ಹಿಡಿದಿತ್ತು ಅದು ನಿನ್ನ ಸ್ನೇಹದ ಸವಿನುಡಿ

ಆದರೆ ನನ್ನ ಬುದ್ದಿಯನ್ನು ಆವರಿಸಿತ್ತು ಆಗ ಕೋಪದ ಬಿಗಿಹಿಡಿ

ನನಗೆ ಅರಿವಿಲ್ಲದೆಯೇ ಆಗಿ ಹೋಗಿತ್ತು ನಿನ್ನ ಕನ್ನಡಿ ಪುಡಿಪುಡಿ

ಮೆರೆದಾಡಿದೆ ಶಾಶ್ವತವಾಗಿ ಕಳಚಿಕೊಂಡೆ ನಿನ್ನಿಂದ ಅನ್ನುವ ಜಂಬದಲಿ

ನೀ ಮಾತ್ರ ಸ್ನೇಹವನ್ನೇ ಕೋರುತ್ತಿದೆ ಪ್ರತಿ ತುಣುಕಿನ ಬಿಂಬದಲಿ

ಭಾಸವಾಯಿತೆನಗೆ ಒಮ್ಮೆಲೇ ಮೇಲಿನಿಂದ ಕೆಳಕ್ಕೆ ಬಿದ್ದ ಹಾಗೆ

ಶಾಂತವಾಗಿ ಬೀರುತಿದ್ದೆ ನೀನು ಸೋತರೂ ಗೆಲುವಿನ ಹೂನಗೆ

ಅರಿವಾಯಿತೆನಗೆ ಕಳೆದುಕೊಂಡೆನೆಂದು ನನ್ನ  ಒಂದು ಅಮೂಲ್ಯವಾದ ವಸ್ತು

ಅದನ್ನು ಹುಡುಕಿ ಹುಡುಕಿ ನಾನಾಗಿ ಹೋಗಿರುವೆ ಸುಸ್ತು

ತಿಳಿಯುತೆನಗೆ ಒಂದೇ ಎಂದು ಒಡೆದು ಹೋದ ಕನ್ನಡಿ ಮತ್ತು

ಒಡೆದು ಹೋದ ಮುತ್ತು ಹಾಗೂ ಕಳೆದು ಹೋದ ಹೊತ್ತು

ನಿನ್ನಲ್ಲಿ ಮಾಡಿಕೊಳ್ಳುವೆ ಇಂದು ಪುನಃ ಒಂದು ಕೋರಿಕೆ

ಉದಾಸೀನ ಪಡದೇ ನೀ ಮಾಡು ಅದರ ಪೂರೈಕೆ

ಕೊಟ್ಟುಬಿಡು ಎನಗೆ ಅಂತಹದೇ ಇನ್ನೊಂದು ಕನ್ನಡಿ

ನೋಡಿಕೊಳ್ಳುವೆ ನಾನು ಅದನ್ನು ಕಾಯ್ದಿಟ್ಟು ನನ್ನ ಕಣ್ ರೆಪ್ಪೆಯಡಿ

By Sushma Odugoudar