ಅನಾಮಿಕ:

By Shreeraksha Gururaj Chulki

ಹರಿವ ಸಾಗರದಲಿ

ಮಾತಿಲ್ಲದೆ ತೇಲುತಿರುವ ಈ ನನ್ನ ಮನವು

ಹುಟ್ಟಿಲ್ಲದ ದೋಣಿಯಲಿ

ಸುಳಿ ಸಿಕ್ಕಿ ನರಳತಿರುವಾಗ,

ಯಾರಿಗೂ ಕೇಳಲಿಲ್ಲವೇ ಈ ನನ್ನ ಕೂಗು?

ಜನಜಗುಳಿoದೊರಟ ದೋಣಿಗೆ

ಭಾರವಾಯಿತೇ ನನ್ನ ಹಗುರ ಮನಸ್ಸು!

ದಿಕ್ಕಿಲ್ಲದೆ ದೂಡಿ ಹೊರಟ ಏಕಾಂಗಿಗೆ

ಶಾಪವಾಗಿದ್ದಾದರೂ ಯಾರ ಮುನಿಸು?

ಹನಿನೀರು ಬಯಸಿ ಬೇಡಿತು

ಈ ಏಕಾಂಗಿ ಜೀವ

ಕೊಡುವ ಕೈ ಕಾಣದೇ ಬೆಂದಿತು

ಮನದೊಳಗೆಯೇ

ಕಂಬನಿಯ ಕುಡಿದು

ಬಲ್ಲೇಯಾ ಅದರ ನೋವ?

ದೂಡುತ್ತ ಹೊರಟ ನನ್ನ ದೋಣಿಗೆ

ಹತ್ತಿರವಾಯಿತoತೆ ದಡವು.

ಕೇಳಿಲ್ಲವೆಂದು ಕೂಗಿ ಹೇಳುವೆ ಕಿವುಡರ ಸಂತೆಗೆ

ಒಲಿಯಲಿಲ್ಲ ಈ ನನ್ನ ಮನವು.

ಜನ ಜಂಗುಳಿಯಿಂದೊರಟಿದ್ದವರಿಗೆ

ತೋಚಲಾರದು ದಾರಿ ಯಾವ ದಿಕ್ಕಿಗೆ

ಹನಿನೀರು ಇಲ್ಲೆಂದವರ ದೋಣಿಯಲ್ಲೀಗ,

ಚಿಮ್ಮುತಿಹುದು ಚಿಲುಮೆ,

ಮಧ್ಯದ ತೂತಿನಿಂದ...

ಪಾಪದಕೊಡದಿಂದ!!!

By Shreeraksha Gururaj Chulki