తెలుగు పలుకుల మమతల వెలుగులు

By CA Lakshmi Supriya Sutapalli

తెలుగు భాషలోన ఉంది నిండుదనము

ప్రతి పలుకులోన ఉట్టిపడును హుందాతనము

మాతృభాష మాట్లాడుటకు యెన్నడూ చెందకు చిన్నతనం

చాటిచెబుతూనే ఉందాము తెలుగు భాష గొప్పతనం

తెలుసుకుందాము తెలుగు మహత్యాన్ని

ఎల్లపుడూ ఆస్వాదిద్దాము మన భాష సాహిత్యాన్ని

భావ వ్యక్తీకరణకు తోడవును తెలుగు మాధుర్యం

బహుచక్కగా వ్యక్తపరిచేందుకు మన ఆంతర్యం

పెంచుకుందాము మన భాషపై ఇష్టం

యే సందిగ్ధం లేకుండా చేద్దాము దాన్ని స్పష్టం

తెలుగు పలుకుటకు వేయొద్దు యెన్నడూ వెనకడుగు

మన భాష గౌరవాన్ని పెంచుటకు వేద్దాము ముందడుగు

By CA Lakshmi Supriya Sutapalli